काठमाडौं।इजिप्टले पर्यटन क्षेत्रबाट मात्रै आर्थिक वर्ष २०२१–२०२२ मा झण्डै ११ अर्ब अमेरिकी डलर राजश्व संकलन गरेको छ ।
जुन २०२२ मा समाप्त भएको आर्थिक वर्ष २०२१–२०२२ मा इजिप्टले पर्यटन क्षेत्रबाट मात्रै १०.७ अर्ब अमेरिकी डलर राजश्व संकलन गरेको हो । अघिल्लो आर्थिक वर्ष ४.९ बिलियन अमेरिकी डलर राजश्व संकलन गरेको थियो ।
अघिल्लो आर्थिक वर्षको तुलनामा इजिप्टले करिब १२० प्रतिशतले पर्यटन क्षेत्रबाट मात्रै राजश्व वृद्धि गरेको इजिप्टको आधिकारिक तथ्यांक प्राधिकरणले बुधबार घोषण गरेको हो ।
इजिप्ट भ्रमण गर्ने पर्यटकको संख्या २०२२ मा ११ करोड १७ लाख पुगेको थियो । २०२१ मा इजिप्ट भ्रमण गर्ने पर्यटकको संख्या जम्मा ८० लाख रहेको थियो ।
गत आर्थिक वर्षको तुलनामा इजिप्टमा भ्रमण गर्ने पर्यटकको संख्या ४६।६ प्रतिशतले वृद्धि भएको इजिप्टको सेन्ट्रल एजेन्सी फर पब्लिक मोबिलाइजेशन एण्ड स्ट्याटिस्टिक्सको रिपोर्टमा उल्लेख छ ।
२०२२ मा इजिप्ट भ्रमण गर्ने पर्यटकहरूमा ६२.६ प्रतिशत युरोपेलीहरू रहेका थिए । अरबी पर्यटकहरू २६.४ प्रतिशत थिए ।
त्यस्तै अमेरिकीहरू ५.८ प्रतिशत र बाँकी अन्य देशबाट गएको पाइएको छ । सन् २०२० मा कोरोना भाइरसका कारण इजिप्टमा पर्यटकको संख्या घटेको थियो । सन् २०२१ पछि इजिप्टमा पर्यटकको संख्या फस्टाउँदै गएको छ ।
