काठमाडौं । नेपालको अन्तर्राष्ट्रिय विमानस्थल त्रिभुवन विमानस्थलमा एकै दिन ११४ अन्तराष्ट्रिय उडान अवतरण गरेको छ ।
सोमबार अन्तराष्ट्रिय त्रिभुवन विमानस्थलले ११४ वटा अन्तराष्ट्रिय विमान अवतरण गरेर कीर्तिमान कायम गरेको त्रिभुवन विमानस्थल कार्यालयले जनाएको छ ।
त्रिभुवन विमानस्थल कार्यालयका अनुसार अहिलेसम्म कै ठूलो रेकर्ड हो । यस अघि कहिल्यै पनि यत्रो मात्रामा विमान उडान अवतरण भएको थिएन । सोमबार विमानस्थलले १६ हजार ५०९ जना यात्रु व्यवस्थापन गरेको थियो । अहिले नेपालमा चाडबाडको सिजन सुरु भए लगतै पर्यटकीय मौसम समेत सुरु भएको विमानस्थले जनाएको छ ।
