काठमाण्डौँ। आईसीसी टी–२० विश्व कप एसिया क्षेत्र छनोटमा ओमानसँग नेपाल ५ रनले पराजित भएको छ । ओमानले दिएको १ सय ४६ रनको लक्ष्य पछ्याएको नेपालले २० ओभरमा ९ विकेट गुमाएर १४० रन बनाएर अल आउट भएको हो ।

यता कीर्तिपुरको त्रिवि मैदानमा टस हारेर पहिले ब्याटिङ गरेको ओमानले २० ओभरमा ९ विकेट गुमाएर १ सय ४५ रन बनायो । नेपालका करण केसीले ३ विकेट लिए । सोमपाल कामी र सन्दीप लामिछानेले २÷२ विकेट लिए भने गुल्शन झा र अविनाश बोहोराले एक÷एक विकेट लिए ।

नेपालका लागि विवेक यादवले सर्वाधिक ३९ रन बनाए । कुशल भुर्तेलले २६, करण केसीले १५ रन बनाए भने कप्तान रोहित पौडेल, सोमपाल कामी र सन्दीप जोराले समान १२१२ रन बनाए ।

बलिङतर्फ नेपालका करण केसीले ३ विकेट लिए । सोमपाल कामी र सन्दीप लामिछानेले २र२ विकेट लिए भने गुल्शन झा र अविनाश बोहोराले एकरएक विकेट लिए ।

ओमानसँग पराजित भएसँगै नेपाल समूह उपविजेता बनेको छ । नेपालले सेमिफाइनल यूएईसँग खेल्ने छ । भोलि हुने खेलमा यूएईलाई हराए नेपाल टी–२० विश्वकपमा छनोट हुने छ । यूएईले बिहीबार हङकङलाई पराजित गर्दै समूह बी को विजेता बनेको छ।

नेपाल र यूएईबीच भोलि शुक्रबार बिहान ११ बजे मूलपानी मैदानमा हुनेछ। यो खेलमा जित हात पार्ने टीम आगामी वर्ष अमेरिका र वेस्ट इन्डिजमा हुने आईसीसी टी–२० विश्वकपमा स्थान पक्का गर्नेछ। सन् २०१४ मा पहिलो पटक टी–२० विश्वकप खेलेको नेपाललाई १० वर्षपछि अर्को अवसर छ।