हास्य कलाकार पवन खतिवडा ‘म्याकुरी’ले अवैध सम्बन्ध राखेर एक युवतीलाई गर्भवती बनाएको दाबी गर्दै उनकी श्रीमती सुम्निमा खालिङ मिडियामा आएकी छिन् । ती युवतीले पवनसँगको सम्बन्धबाट आफू गर्भवती भएको स्वीकार गरेको भिडियो पनि सुम्निमाले विभिन्न मिडियाबाट सार्वजनिक गरेकी छिन् ।
विवाहको केही समयपछि अन्य केटीसँग पवनको सम्बन्ध रहेको थाहा पाएपछि आफूहरुको सम्बन्ध बिग्रिएको सुम्निमाको दाबी छ । श्रीमानबाट बिना कारण डिभोर्सको दबाब आएकाले विभिन्न समस्या झेल्नुपरेको उनी बताउँछिन् ।
बिनाकारण आफूलाई श्रीमानले लामो समय सुधार केन्द्रमा राखेको सुम्निमाको आरोप छ । उनले एक अन्तर्वार्तामा भनेकी छन्, ‘म एन्जाइटीको बिरामी थिएँ, उसको तनावले रक्सी खाँदा गाह्रो भयो । अनि मलाई सुधार केन्द्र लगेर राखियो । पवनले डिभोर्स दिने भए मात्रै सुधार केन्द्रबाट निकाल्छु भनेको थियो । ऊ भेट्न पनि आएन ।’
सुधार केन्द्रबाट भागेर आफू निस्किएपछि पवनको सम्बन्धको बारेमा थाहा पाएको उनको दाबी छ । यता पवनले भने श्रीमतीले लगाएको आरोप सबै झुटो भएको खण्डन गरेका छन् । सामाजिक सन्जालमा आफूलाई श्रीमतीका तर्फबाट आक्रमण भएको समेत उनको दाबी छ । उनले खबरहबसँग भने, ‘यो सबै कुरा जटिल बनेको छ । म निर्दोष छु । पत्रकार सम्मेलन गरेर सबै भन्छु । सत्य सार्वजनिक गर्छु ।’ पवन र सुम्निमा सन् २०२१ को अन्त्य तिर विवाह बन्धनमा बाँधिएका थिए । उनीहरुको अन्तरजातीय विवाह हो । सुम्निकाको माइती भारतको सिक्किम हो ।
