एलन मस्कको चिप कम्पनी ‘न्यूरालिङ्क’ले आफ्नो पहिलो दिमागका बिरामीलाई प्रत्यारोपण गर्ने उपकरण यन्त्र प्रयोग गरेर कम्प्युटरमा कर्सर चलाएको सार्वजनिक भएको छ । सामाजिक सञ्जाल एक्सको नौ मिनेटको प्रत्यक्ष प्रशारणमा नोल्यान्ड अर्बागले अनलाइन चेस खेल्नको लागि कर्सर प्रयोग गरेको देखिन्छ । गाडी दुर्घटना भएपछि अर्बागको काँध मुनी पक्षाघात भएको थियो ।

त्यसपछि उनको दिमागमा चिप प्रत्यारोपण गरिएको थियो । जटिल न्यूरोलोजिकल अवस्थाको सामना गर्न मानिसको दिमागमा कम्प्युटरमा जडान गर्नु नै ‘न्यूरालिङ्क’ कम्पनीको लक्ष्य हो । शल्यक्रिया एकदम सजिलो भएको अर्बागलाई उद्धृत गर्दै बीबीसीले जनाएको छ । अर्बागले भिडियो गेम ुसिभिलाइजेशन भी।आईु खेल्न दिमागमा चिप प्रत्यारोपण प्रयोग गरेका थिए ।

‘न्यूरालिङ्क’ ले उसलाई त्यस्तो क्षमता दियो जसले गर्दा लगातार आठ घण्टा खेल्न सके । एक पाउन्ड सिक्काको साइजमा रहेको ‘न्यूरालिङ्क’ दिमागमा राखिन्छ । यसमा माइक्रोस्कोपिक तारहरू हुन्छन् जसले न्यूरोन गतिविधि पढ्न सक्छ र प्राप्त गर्ने एकाइमा बिना तार पनि सङ्केत फिर्ता गर्न सक्छ । कम्पनीले सुँगुरहरूमा पनि परीक्षण चलाएको छ । बाँदरहरूले पनि भिडियो गेम ‘पोङ’को आधारभूत संस्करण खेल्न सक्ने कम्पनीले दाबी गरेको छ ।

‘न्यूरालिङ्क’ लाई ‘फूड एन्ड ड्रग एडमिनिस्ट्रेशन’ ९एफडीए० ले सन् २०२३ को मे मा मानिसमा चिप परीक्षण गर्ने अनुमति दिएको थियो । ‘न्यूरालिङ्क’ यो प्रविधिलाई परिष्कृत गरी व्यापारीकरण गर्ने कम्पनी र विश्वविद्यालय विभागको बढ्दो सङ्ख्यामध्ये एक हो । यस्तै वैज्ञानिकले सङ्केत पत्ता लगाउन सक्ने अरू उपकरण पनि विकास गरेका छन् ।