काठमाडौ । मन्टेस्सरी तथा प्रिस्कुलहरुका राष्ट्रिय संगठन मन्टेस्सरी एसोसिएसन नेपालले अन्तराष्ट्रिय सम्मेलन गर्ने भएको छ । आगामी जेठ १२ र १३ गते अन्तराष्ट्रिय सम्मेलन हुने मन्टेस्सरी एसोसिएसनले जनाएको छ । दुई दिनसम्म चल्ने सम्मेलनको प्रथम चरणमा दक्षिण एशियाली सार्क मुलकबाट भारत,पाकिस्थान,श्रीलन्का, बाङ्लादेश,भुटान र नेपालबाट मन्टेस्सरी तथा प्रिस्कुलका अन्तराष्ट्रिय संगठन साउथ एसिएन मन्टेस्सरी एशोसियसनलाइ प्रतिनिधित्व गर्दै बिज्ञ,प्रशिक्षक,संस्थापक,प्रिन्सिपल तथा शिक्षकहरुको सहभागीता रहने अध्यक्ष्य सुश्मा लामाले जानकारी दिनुभएको छ।
कार्यक्रममा आ–आफ्नो देश तथा क्षेत्रमा मन्टेस्सरी तथा प्रिस्कुलका बारेमा जानकारी,तालिम तथा भविस्यमा बिभिन्न प्रकारका कार्यक्रमहरुको तर्जुमा गरिने जनाइएको छ। कार्यक्रमले देशबिदेशमा रहेका सहकर्मीहरुसँग नयाँ प्रबिधी, तालिम तथा अनुभवहरु साटासाट गरिनेभएकाले सबै सदस्य विध्यालयहरुलाई सहभागीभइ लाभन्वित हुन मन्टेस्सरी का अन्तरराष्ट्रिय सम्बन्धन तथा बरिस्ट सल्लाहकार सञ्जय फिन्जुले आव्हान गर्नुभएको छ ।
