काठमाडौं- नेपाली कांग्रेस संसदीय दलको बैठकले विहीबार संसदमा उत्पन्न भएको तनावको जवाफदेही सभामुख देवराज घिमिरे रहेको निष्कर्ष निकालेको छ । साथै कांग्रेसले संसदमा रहेका सबै विपक्षी पार्टीहरुसँग संयुक्त बैठक बस्ने निर्णय गरेको छ ।
कांग्रेस संसदीय दलको बैठक सकिएलगत्तै सभापति शेरबहादुर देउवाको कार्यकक्षमा अहिले विपक्षी दलहरुको संयुक्त बैठक शुरु भएको छ । संयुक्त बैठकमा कांग्रेस, जनता समाजवादी, लोकतान्त्रिक समाजवादी, जनमत पार्टी लगायतको सहभागिता छ ।
संसदीय दलको बैठकबारे जानकारी दिँदै कांग्रेसका एक सांसदले भने,‘रवि लामिछानेलाई संसदमा बोल्न दिन्छौं भनेर हामीले पहिले देखि नै भन्दै आएको कुरा हो । तर, उनले बोलेपछि हामीले बोल्न पाउनुपर्छ ।’
