काठमाडौं । गुण्डागर्दीमा संलग्न भएको आरोपमा प्रहरीले दुई जनालाई पक्राउ गरेको छ ।

पक्राउ पर्नेहरुमा काठमाडौं–१४ कलंकी घर भएका २६ वर्षीय सुजन कार्की र ३० वर्षीय अभिषेक सिंह छन् ।

उनीहरुलाई प्रहरी वृत्त कालिमाटीको टोलीले पक्राउ गरेको हो । उनीहरुले समूह खडा गरेर कलंकी क्षेत्रमा सर्वसाधारणलाई धम्की दिँदै रकम असुली गरेको पाइएको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले बताए ।

पक्राउ परेका मध्ये सिंह बैंकिङ कसुरको मुद्दामा फरार रहेका व्यक्ति रहेको खुलेको छ । उनीहरुविरुद्ध अभद्र व्यवहारको कसुरमा अनुसन्धान अघि बढाइएको छ ।