![‘कञ्चनपुरमा बाढीबाट भएको क्षतिको जिम्मा सरकारले लिनुपर्छ’](https://sagarmatha.tv/wp-content/uploads/2024/07/tara_lama_1428093134.jpg)
काठमाडौं– नेकपा एमालेका सांसद तारा लामा तामाङले बाढीबाट कञ्चनपुरमा भएको जनधनको क्षतिको जिम्मा सरकारले लिनुपर्ने बताएका छन् ।
प्रतिनिधिसभा बैठकमा उनले गृहजिल्लामा बाढीका कारण भएको धनजनको क्षतिको विवरण संसद्लाई जानकारी गराउँदै क्षतिको जिम्मा सरकारले लिनुपर्ने बताएका हुन् । ‘बारम्बार दोधा नदी र चौधर नदीका बारेमा बारम्बार आवाज राख्दा सम्बन्धित मन्त्रीले सुन्नै चाहेनन्,’ लामाले भने, ‘त्यस कारणले यो क्षति भएको छ । नैतिक रूपले यो सरकारले यसको जिम्मा लिनुपर्छ ।’
उनले अब बन्ने एमाले नेतृत्वको सरकारले दोधा र चौधर नदी नियन्त्रणका लागि गुरुयोजना बनाउनुपर्नेमा पनि जोड दिए ।‘अब बन्ने सरकारले त्यसमा गुरुयोजना बनाएर मानवीय क्षति र हजारौं बिगाहा खेतीयोग्य जमिन कटान हुनबाट मुक्त गर्नुपर्छ,’ उनले भने ।