![परराष्ट्र सचिव लम्साल र युनानका उपगभर्नर हाउबिच भेटवार्ता](https://sagarmatha.tv/wp-content/uploads/2024/07/lamsal_BzHmTzD6ew.jpg)
काठमाडौँ । परराष्ट्र मन्त्रालयका सचिव सेवा लम्साल र चीनका युनान प्रान्तका उपगभर्नर वाङ हाउबिच भेटवार्ता भएको छ ।
चीनको विदेश मन्त्रालय र युनान प्रान्तको सरकारको संयुक्त आयोजनामा सुरु भएको पाँचौँ चीन–दक्षिण एसिया सहयोग मञ्चको कार्यक्रममा भाग लिन चीन पुगेकी सचिव लम्सालले बिहीबार उपगभर्नर हाउसँग भेटवार्ता गरेको परराष्ट्र मन्त्रालयले जनाएको छ ।
भेटमा दुई पक्षीय हितका बारेमा कुराकानी भएको बताइएको छ । दुई देशको सम्बन्धलाई अझै मजबुत कसरी बनाउने, एक अर्कासँग सहकार्य गरेर कसरी अगाडि बढ्ने, अगामी योजना तथा कार्यक्रमहरूको बारेमा कुराकानी भएको परराष्ट्र मन्त्रालयले जनाएको छ ।