काठमाडौं। भुटानका राजा जिग्मे केशर नामग्याल वाङचुक आज बिहान आउने भएका छन्। उनी नयाँ दिल्लीबाट ड्रुक एयरको उडान नम्बर केबी २०५ बाट काठमाडौं आउने भएका हुन्।
उनले बिहीबार नयाँ दिल्लीमा प्रधानमन्त्री नरेन्द्र मोदीसँग भेट गरेका छन्।
काठमाडौं आएपछि उनी बौद्धनाथ र स्वयम्भूनाथको दर्शन गर्न जानेछन्। भुटानी राजाका साथमा उनको १९ सदस्यीय भ्रमण दल पनि हुनेछ। भ्रमण दलमा राजासहित ऊर्जामन्त्री, विदेशसचिव, नेपालका लागि भुटानी राजदूत, सुरक्षा अधिकारी लगायत सदस्य रहेका छन्।
केही घन्टामात्र नेपालमा बिताएर भुटानी राजा आजनै भुटान फर्कनेछन्।
