काठमाडौं। भूटानी राजा जिग्मे खेसर नाम्गेल वाङचुकले स्वयम्भूनाथ र बौद्धनाथको दर्शन गरेका छन् । आज बिहान नेपाल आइपुग्नु भएका भूटानी राजा वाङचुकले पूजा अर्चना सहित विश्वसम्पदा सूचीमा सूचीकृत स्वयम्भूनाथको दर्शन गरेका हुन्।
स्वयम्भू व्यवस्थापन तथा संरक्षण महासमितिका पदाधिकारीले स्वयम्भूनाथ परिसरमा भूटानी राजालाई स्वागत गरेका थिए । करिब आधा घण्टा त्यहाँ रहेका भूटानी राजाले स्वयम्भूबाट काठमाडौं उपत्यकाको दृश्यावलोकन समेत गरका थिए । स्वयम्भूबाट उनी बौद्धनाथ पुगेका थिए ।
भारतबाट स्वदेश फर्कने क्रममा काठमाडौं आएका भूटानी राजा वाङचुक आजै स्वदेश फर्किने परराष्ट्र मन्त्रालयले जनाएको छ ।
