किभ। रुसले युक्रेनको ऊर्जा पूर्वाधारमा व्यापक आक्रमण सुरु गरेको छ । देशलाई आपत्कालीन बिजुली कटौती लागू गर्न बाध्य तुल्याएको युक्रेनी अधिकारीहरूले बताएका छन् ।
‘शत्रुले आफ्नो आतंक जारी राखेको छ, फेरि एक पटक युक्रेनको ऊर्जा क्षेत्र ठूलो आक्रमणमा परेको छ,’ युक्रेनी ऊर्जा मन्त्री जर्मन हलुश्चेन्कोले आफ्नो आधिकारिक फेसबुक पेजमा उल्लेख गरेका छन् ।
रूसले गरेको आक्रमणको क्षति कति हदसम्म भएको छ, त्यो स्पष्ट हुन सकेको छैन तर त्यस वरपरका मानिसहरूलाई सुरक्षित आश्रयस्थलमा बस्न आग्रह गरिएको उनले जनाए ।
युक्रेनको वायुसेनाले देशका केही भागहरूलाई सम्भावित रूपमा लक्षित गर्ने ब्यालिस्टिक र क्रुज मिसाइलहरूको खतराको चेतावनी दिएपछि राजधानी कीभका सडकहरू शुक्रबार बिहान धेरै खाली गरिएको थियो ।
युक्रेनको ऊर्जा ग्रिड अपरेटर युक्रेनेर्गोले भन्यो कि धेरै क्षेत्रहरूमा बिजुली सुविधाहरू क्षतिग्रस्त भएका छन् र यसले देशभर आपत्कालीन बिजुली कटौती भएको छ र जनताहरू अन्धकारमा बस्न बाध्य भएका छन्।
रुसले यस वर्ष युक्रेनको पावर प्रणालीमा १२ ठूला आक्रमणहरू गरेको छ ।
