काठमाडौं। काठमाडौं महानगरपालिकाका पूर्वमेयर पीएल सिंहको निधन भएको छ। सोमबार बिहान १ बजे चाक्सीबारीस्थित निजी निवासमा उनको निधन भएको हो।

८५ वर्षीय सिंह लामो समयदेखि अस्वस्थ थिए। गतवर्ष मात्रै उनको पेटको शल्यक्रिया गरिएको थियो। उनी बहुदलपछि तत्कालीन काठमाडौं नगरपालिकाको पहिलो मेयर थिए। उनैले काठमाडौंलाई महानगर बनाउन भूमिका समेत खेलेका थिए।

उनको निधनमा काठमाडौं महानगरले सोमबार सार्वजनिक बिदा दिएको छ। उनको पार्थिव शरीर श्रद्धाञ्जलीका लागि आज बिहान ११ बजेसम्म निवास चक्सिबारीमा राखिने र त्यसपछि कांग्रेस केन्द्रीय कार्यालयमा दुई घण्टासम्म राखिने बताइएको छ।

उनको आजै अन्त्येष्टि गरिने बताइएको छ।