न्यूयोर्क। रिपब्लिकका पूर्व काँग्रेस सदस्य म्याट गेयट्जले यौन र लागु पदार्थमा हजारौँ डलर खर्च गरेको रिपोर्ट अमेरिकी संसद् संसद्को इथिक कमिटीले प्रकाशन गरेको छ ।
राष्ट्रपति निर्वाचित डोनाल्ड ट्रम्पले देशको कानुनी निकायको उच्च ओहदामा नियुक्त गर्न चाहेका उनले यौन दुर्व्यवहारको लामो शृङ्खला नै भएको पुष्टि भएको छ ।
सो कमिटीको छानबिन गर्दा सन् २०१८ मा बहमासको भ्रमणमा गएको समयमा उनले एकदमै धेरै उपहार लिएको पनि प्रमाणित भएको छ । पूर्व विधायक उनले भने आफूविरुद्ध अफवाह फैलाउन चाहेकाहरूले यो सबै प्रचार गरेको बताउँदै यसलाई नियोजित भनेका छन् ।
यसअघि उनलाई महान्यायाधिवक्ता नियुक्त गर्ने गरेको निर्णयबाट ट्रम्प पछि हटिसकेका छन् । इथिक रिपोर्टका अनुसार उनले संसद्को धेरै नियम भङ्ग गरेको मात्र होइन, यौन व्यवसायलाई प्राथमिकता दिएको, वैधानिक बलात्कार गरेको, अवैध लागूऔषधलाई प्राथमिकता तथा अनावश्यक उपहार लिँदै संसद्को गरिमा घटाएको पाइएको छ ।
उनीमाथि संसद्को कामलाई अघि बढाउन पनि अड्चन खडा गरेको आरोप लगाइएको छ । सन् २०१७ देखि २०१२ को बिचमा गेयट्जले १२ विभिन्न महिलालाई समेत गरी ९० हजार अमेरिकी डलर दिएका रहेछन् । सो रकम अवैध लागूऔषध तथा यौनका लागि दिइएको दाबी रिपोर्टमा गरिएको छ ।
सन् २०१७ मा एक पार्टीमा उनले १७ वर्षीया बालिकालाई यौन खरिद गर्नका लागि ४०० अमेरिकी डलर प्रदान गरेका थिए । बालिकाले त्यो बुझेर यसलाई अस्वीकार गरेकी थिइन् । गेयट्जे भने सोमबार बिहानसम्म आफूमाथि पूर्वाग्रही भएका कारण सो रिपोर्ट बाहिर ल्याउन लागेको बताए ।
फ्लोरिडाका पूर्व सांसद उनी सन् २०१६ मा अमेरिकाको राष्ट्रपतिका निर्वाचित भएपछि थप शक्तिमा आएका थिए ।
गत साता ट्रम्पले महान्यायाधिवक्ता चयन गरे पछि उनले पदबाट राजीनामा दिएका थिए । ट्रम्पविरुद्ध लगाइएको धेरै आरोपको सामना गर्नका लागि कानुन व्यवसायी सफल हुने विश्वासका साथ सो कदम उनलाई महान्यायाधिवक्ता चयन गरिएको हो । सन् २०२० को क्यापिटल हिल प्रकरणमा उनले ट्रम्पलाई सहयोग गरेका थिए ।
धेरै सांसद्हरुले नै उनको नियुक्तिमा आपत्ति जनाएका कारण कारण ८ दिन पछि गेयट्ज आफै सो निर्णयमा पछि परेका थिए । त्यसपछि ट्रम्पले पाम बियोन्डीलाई नयाँ महान्यायाधिवक्ता चयन गरेका हुन् ।
