काठमाडौं । त्रिभुवन अन्तर्राष्ट्रिय विमानस्थलबाट ८ सय ५५ ग्राम सुनसहित भारतीय नागरिक पक्राउ परेका छन्। मंगलबार अर्ध ठोस बनाएर ल्याइएको अवस्थामा उक्त सुन बरामद भएको त्रिभुवन अन्तर्राष्ट्रिय प्रहरीले जनाएको छ।
भारतीय नागरिक ३५ वर्षीय शरिफ अहमद अब्दुल गफरले अवैध रुपमा फ्लाई दुबईको विमानबाट सोमबार राती काठमाडौं सुन ल्याएपछि उनलाई प्रहरीले पक्राउ गरेको हो ।
आगमन टनेल गेटमा जाँच गर्नेक्रममा गफरसँग उक्त सुन रहेको पत्ता लागेको प्रहरीले जनाएको छ । प्रहरीका अनुसार थप अनुसन्धानका लागि भन्सार कार्यालयको जिम्मा लगाएको छ।
