जिल्ला ट्राफिक प्रहरी कार्यालय, रोल्पाका कार्यालय प्रमुख प्रहरी नायब निरीक्षक (सई) ललितकुमार बुढाथोकीविरुद्ध भ्रष्टाचार मुद्दा लागेको छ । गत असोज १७ गते रोल्पा नगरपालिका(४ स्थित निवासमा सेवाग्राहीबाट घुस लिँदालिँदै बुढाथोकी पक्राउ परेका थिए । उनको साथबाट घुसबापत लिएको २५ हजार रुपैयाँ बरामद भएको आयोगले जनाएको थियो ।
बुढाथोकीलाई अख्तियार दुरुपयोग अनुसन्धान आयोगको कार्यालय बुटवल र सम्पर्क कार्यालय नेपालगञ्जबाट खटिइ गएको टोलीले नियन्त्रणमा लिएको थियो। अख्तियारमा बुढाथोकीले सवारीसाधनलाई आवतजावत गर्दा चालक र व्यवसायीसँग घुसररिसवत माग गरिरहेको उजुरी परेको थियो । घुससहित समातिएका बुढाथोकीलाई भ्रष्टाचार निवारण ऐन, २०५९ को दफा ३ को उपदफा ९१० बमोजिमको कसुरमा आयोगले विशेष अदालतमा मुद्दा दायर गरेको हो ।
बिगो २५ हजार रुपैयाँ कायम गरी भ्रष्टाचार निवारण ऐन, २०५९ को दफा ३ को उपदफा (१) को देहाय (क) बमोजिम कैद गरी सोही ऐनको दफा ३ को उपदफा ९१० अनुसार बिगो बमोजिम जरिवाना सजाय हुन मागदाबी लिई मुद्दा दायर गरिएको आयोगले जानकारी दिएको हो ।
