गोरखा। गोरखाको दुर्गम चुमनुब्री गाउँपालिका वडा नं ६ ताजुमा आगलागी हुँदा ३ वटा घर जलेर पूर्णरूपमा क्षति भएको छ । यस्तै ८ वटा गाई र ३ वटा गोरु पनि जलेर मरेका छन् ।

बिहीबार अपराह्न खाना पकाउने चुलोमा बालेको आगो सल्किएर घटना भएको हो । आगलागीबाट स्थानीय कुन्जो छिरिङको जस्ताले छाएको दुई वटा कच्ची र भूकम्पपछि निर्माण गरेको अर्को एउटा घरमा क्षति भएको भएको जिल्ला प्रहरी कार्यालय गोरखाले जनाएको छ । घरभित्र रहेको अन्नपात, लत्ताकपडा समेत जलेर नष्ट भएको छ ।