दोलखा। गौरीशंकर संरक्षण क्षेत्र अन्तर्गत दोलखाको गौरीशंकर गाउँपालिका–७ को हिमाली वनमा लागेको डढेलो नियन्त्रणभन्दा बाहिर गएको छ ।
६ दिनदेखि गौरीशंकर संरक्षण क्षेत्र अन्तर्गत गौरीशंकर गाउँपालिका– ७ को सिक्पास्वर भन्दा माथिल्लो क्षेत्रको हिमाली वनमा लागेको डढेलो नियन्त्रणमा आउन नसकेको हो ।
डढेलो नियन्त्रणका लागि खटिएको थप टोली पनि जान नसकेर फर्किएको बताइएको छ । हिमपात हुने मौसममा चिसो छल्न तलतिर झरेका वन्यजन्तु डढेलोमा परेका छन् भने रेडपाण्डाको बासस्थान रहेको क्षेत्रको बन सखाप भएको छ । तीव्रगतिमा हावा चलिरहेकाले हिमाल नजिकैको खर्कहरूमा डढेलो बढ्दै गएको बताइएको छ ।
।
