काठमाडौं– पूर्वी नवलपरासी जिल्लाको गैँडाकोट नगरपालिका–१ स्थित नारायणी नदीमा बेपत्ता भएका दुवै जनाको शव चैत्र २७ गते सशस्त्र प्रहरीको गोताखोरले निकालेको छ ।
सोही ठाउँ बस्ने १३ वर्षिया दिक्षा सेर्पुञ्जा र ९ वर्षिय स्वपनिल सेर्पुञ्जा चैत २६ गते नुहाउने क्रममा डुबेर बेपत्ता भएको डिएसपी शैलेन्द्र थापाले बताए ।
सो घटनाबारे जानकारी पाउनासाथ सशस्त्र प्रहरी बल नेपाल नं. १७ गण चितवनबाट सशस्त्र प्रहरी सहायक निरीक्षक भुप बहादुर बढाथोकीको कमाण्डमा खटिएको गोताखोरसहितको टोलीले स्वपनिल सेर्पुञ्जाको शव ३५ फिट गहिराइबाट बिहान ११:३० बजे र दिक्षा सेर्पुञ्जाको शव ५० फिट गहिराइबाट अपराह्न १२:३० बजे निकालिएको हो ।
