काठमाडौं। तिहारको चहलपहल गाउँघरदेखि शहरसम्म फैलिन थालेको छ। यसैक्रममा, गीतकार निर्मल राज पौडेल को नयाँ तिहार गीत “झिलिमिली तिहारलाई” सार्वजनिक भएको छ।

गीतमा पौडेलसहित गायिका सामन्था थापा, निरजा तिमल्सीना र मनिष पौडेल ले स्वर दिएका छन्। गीतको म्यूजिक भिडियो वेलकम एभी प्रोडक्सन द्वारा तयार पारिएको छ भने निर्देशन मनिष पौडेल ले गरेका हुन्। संगीत मोहित मुनाल ले तयार गरेका छन्।

गीतकार पौडेलले बताए अनुसार, “बिगत १०–१५ वर्षअघिसम्म तिहारको रौनक र खुसीको माहौल प्रष्ट देखिन्थ्यो, तर आजभोलि सबैले त्यो महसुस गर्न पाएको छैन। त्यसैले हाम्रो उद्देश्य हाम्रो सन्ततिलाई पनि यो परम्परा र संगीतको अनुभव दिनु हो।”

गीतमा गाइ, कुकुर, लक्ष्मी, गाई–गोरा पूजा र भाई–टीका लगायत पञ्चकर्मको महत्त्वपूर्ण पक्ष समेटिएको छ। साथै, गीतले नेपालीहरुको तिहार मनाउने शैली, परम्परा र सामाजिक, पारिवारिक तथा आर्थिक पक्षलाई समेत उजागर गरेको छ।

यसअघि पौडेलले दशैं गीत पनि सार्वजनिक गरिसकेका थिए।