काठमाडौं। सभामुख देवराज घिमिरेले राष्ट्रिय स्वतन्त्र पार्टीका सांसद सुमना श्रेष्ठलाई बोलाए पनि उनी भने संसद्मा अभिव्यक्ति दिन उपस्थित भइनन् ।

सोमवार सभामुख घिमिरेले बोल्न नदिएको भनेर बैठक छाडेर हिँडेकी सांसद श्रेष्ठलाई आज सभामुख घिमिरेले बोल्नका लागि समय दिएका थिए तर सांसद श्रेष्ठबाट भने कुनै प्रतिक्रिया दिइनन् ।

सभामुख घिमिरेले ‘माननीय सुमना श्रेष्ठ’ भने तीन–तीन पटक उच्चारण गर्दा पनि सांसद श्रेष्ठले बोल्ने समयमा उपस्थित नभएपछि सभामुख घिमिरेले अन्य सांसदलाई पालो दिएका थिए ।

प्रतिनिधिसभाको जारी बैठकमा शून्य समयमा नेकपा एमालेका सांसद सुनिता बरालपछि सभामुख घिमिरेले रास्वपा सांसद श्रेष्ठलाई बोलाएका थिए तर कुनै पनि प्रतिक्रिया नपाएपछि उनले सुशीला ठकुरीलाई पालो दिनु परेको थियो ।