काठमाडौं । लामो प्रतीक्षापछि नेपाली क्रिकेट टोलीलाई संयुक्त अरब इमिरेट्स (यूएई)ले भिसा जारी गरेको छ। यसअघि भिसा नपाउँदा तालिकामा समस्या परेको भए पनि अन्ततः यात्रा सुनिश्चित भएको हो।
नेपाल क्रिकेट संघ (क्यान)का प्रवक्ता छुम्बी लामाका अनुसार, वेस्ट इन्डिजविरुद्धको ऐतिहासिक ट्वान्टी–२० शृंखलामा सहभागी हुन नेपाली टोली असोज ६ गते यूएई प्रस्थान गर्नेछ। यसअघि असोज ३० देखि सुरु हुने श्रृंखलाका लागि नेपाल क्रिकेट संघले बिहीबारै बिदाइ कार्यक्रमसमेत गरेको थियो। तर, भिसा रोकिँदा टोलीको यात्रा अनिश्चित बनेको थियो।
“नेपाल र वेस्ट इन्डिजबीच २०२५ सेप्टेम्बर २७ देखि ३० सम्म यूएईमा हुने युनिटी कप टी–२० अन्तर्राष्ट्रिय खेलका लागि नेपाली राष्ट्रिय क्रिकेट टोलीको भिसा प्राप्त भइसकेको छ,” लामाले जानकारी दिए। यससँगै नेपाली टोली अब तय भएको मितिमा यूएई पुगेर ऐतिहासिक खेलका लागि तयारी थाल्नेछ।
