अमेरिकी राष्ट्रपति डोनाल्ड ट्रम्पले मध्यपूर्वमा तनावलाई नयाँ उचाइमा पुऱ्याउँदै इरानका तीन प्रमुख आणविक केन्द्रमाथि बमबारी गरिएको घोषणा गरेका छन् । सामाजिक सञ्जालमार्फत उनले अमेरिकी सेनाले इरानको फोर्डो, नातान्ज र इसफाहानमा रहेका आणविक केन्द्रहरूमा सफलतापूर्वक आक्रमण गरेको दाबी गरेका हुन् ।
राष्ट्रपति ट्रम्पले आक्रमणमा संलग्न सबै अमेरिकी विमानहरू सफलतापूर्वक आफ्नो मिसन पूरा गरी इरानी आकाशबाट बाहिरिसकेको बताएका छन् । ‘हाम्रा महान् अमेरिकी सेनालाई बधाई ! मिसन सफल भयो,’ उनले आफ्नो पोस्टमा लेखेका छन् । यो आक्रमणपछि विमानहरू अमेरिका फर्किसकेको पनि उनले जानकारी दिएका छन्।
यसैबीच, इरानको सरकारी सञ्चारमाध्यमले देशका विभिन्न भागमा ठूला विस्फोटका आवाज सुनिएको पुष्टि गरेको छ, तर विस्तृत विवरण भने सार्वजनिक गरेको छैन । अमेरिकी घोषणाले विश्वभर तरंग पैदा गरेको छ । यो घटना इजरायल र इरानबीच जारी युद्धको पछिल्लो र सबैभन्दा खतरनाक अध्याय मानिएको छ ।
गत जुन १३ मा इजरायलले इरानमाथि आक्रमण गरेपछि सुरु भएको द्वन्द्वमा हालसम्म इरानतर्फ ६५७ जनाको मृत्यु भएको छ भने २,००० भन्दा बढी घाइते भएका छन् । उता, इजरायलमा पनि २४ जनाले ज्यान गुमाउँदा ९०० भन्दा बढी घाइते भएको अन्तर्राष्ट्रिय सञ्चारमाध्यमहरूले जनाएका छन् ।
यसैबीच, इरानको सरकारी सञ्चारमाध्यमले देशका विभिन्न भागमा ठूला विस्फोटका आवाज सुनिएको पुष्टि गरेको छ, तर विस्तृत विवरण भने सार्वजनिक गरेको छैन । अमेरिकी घोषणाले विश्वभर तरंग पैदा गरेको छ । यो घटना इजरायल र इरानबीच जारी युद्धको पछिल्लो र सबैभन्दा खतरनाक अध्याय मानिएको छ ।
