काठमाडौं । काठमाडौंबाट सुर्खेतका लागि छुटेको ना ७ ख ६०४८ नम्बरको रात्री बसमा लुम्बिनी प्रदेशको रुपन्देही जिल्ला अन्तर्गत सिसिरिया पुल नजिक आगलागी भएको छ।
आज बिहान करिब ३ बजेतिर बसको टायर पड्किएपछि आगलागी भएको प्रारम्भिक जानकारी प्राप्त भएको छ। आगो तीव्र रूपमा फैलिँदा बस पूर्ण रूपमा जलेर नष्ट भएको बताइएको छ। बिहान ५:३० बजेसम्म पनि आगलागी नियन्त्रणमा आउन नसकेको जनाइएको छ।
घटनास्थलमा प्रहरी टोली पुगेको भए पनि दमकल करिब दुई घण्टासम्म नआएको राष्ट्रिय यातायात व्यवसायी महासंघका कार्यवहाक अध्यक्ष सरोज सिटौलाले जानकारी दिए ।
