कराँची– पाकिस्तानको कराँचीमा एक ४६ वर्षीय धार्मिक पुजारी गोली हानी हत्या गरिएको छ ।
उनको कराँची स्थित गुलिस्तान—ए—जौहर नजिकै गोली हानी हत्या गरिएको एआरवाई न्यूजले उल्लेख गरेको छ ।
प्रहरी अधिकारीका अनुसार मृतक शेख जिया उर रहमान कराँचीको गुलशन ब्लक ५ मा रहेको जामिया अबु बकर मदरसा (सेमिनरी) को प्रशासक थिए ।
प्रहरीले यो घटनालाई लक्षित हत्यालगायत सबै कोणबाट हेरिरहेको जनाएको छ । घटनास्थलबाट एक नाइन एमएमको पेस्तोल र ३० बोरका दुई फरक हतियारका कम्तीमा ११ गोला फेला परेको प्रहरीले जनाएको छ ।
यसैबीच, भर्खरै नियुक्त प्रहरी महानिरीक्षक रिफत मुख्तारले वरिष्ठ प्रहरी उपरीक्षक (एसएसपी) पूर्वसँग घटनाको जानकारी दिन निर्देशन दिएको , एआरवाई न्यूजले उल्लेख गरेको छ।
यस महिनाको सुरुमा, धार्मिक नेता सलिम खत्रीलाई कराचीको बिलाल छेउछाउमा बाइकमा सवार चार व्यक्तिले गोली हानी हत्या गरेका थिए। उक्त घटनाको अनुसन्धान भइरहेको प्रहरी जनाएको छ ।
