काठमाडौँ। नेपाली कांग्रेसका सभापति शेरबहादुर देउवा बुढानीलकण्ठ स्थित आफ्नो निजी निवास सर्ने भएका छन् ।
उनी यही माघ ४ गते निजी निवासमा सर्न लागेका हुन । देउवा निकट स्रोतका अनुसार,उनी आगामी माघ ४ गते बिहीबार उत्तम साइत निकालेर सर्न लागेका हुन ।
देउवा २०७९ साल पुष १३ गते बुधवार देखि धुम्वाराहीस्थित निजी घरमा भाडामा बस्न थालेका हुन । उनी प्रधानमन्त्रीबाट हटेलगत्तै धुम्वाराहीको भाडाको घरमा सरेका हुन । देउवा हाल बसेको धुम्वाराहीको यो घर संयुक्त राष्ट्रसङ्घका तत्कालीन उपमहासचिव कुलचन्द्र गौतमको निवास हो ।
बुढानीलकण्ठमा रहेको देउवाको निजी निवासमा मर्मतको लागि ३–४ महिना लाग्ने भनेर सुरुमा भनिएपनि देउवा बर्षदिनसम्म आफ्नो घरमा सरेनन् । भाडाको घरमा बस्न थालेको ठ्याक्कै बर्षदिनपछि उनी आफ्नै निवासमा सर्न लागेका हुन ।
