सुनसरीको धरानबाट भोजपुरको घोडेटार जाँदै गरेको बोलेरो जिप दुर्घटना हुँदा ६ जनाको मृत्यु भएको छ । धरानबाट भोजपुरका लागि छुटेको बोलेरो उदयपुरको मैनामैनीमा दुर्घटना भएको हो । दुर्घटनामा घाइते भएका ८ जनालाई उद्धार गरी बीपी कोइराला स्वास्थ्य विज्ञान प्रतिष्ठान धरान पठाइएको जिल्ला प्रहरी कार्यालय भोजपुरका प्रहरी नायब उपरीक्षक सुदीपराज पाठकले जानकारी दिए । बोलेरोमा १४ जना सवार रहेको बताइएको छ । दुर्घटनाको कारणबारे अनुसन्धान भइरहेको प्रहरीले जनाएको छ ।