काठमाडौं। नेपाली कांग्रेसका महामन्त्री एवं प्रतिनिधि सभा सदस्य गगन कुमार थापाले गृहमन्त्री रवि लामिछानेले पोखराको सूर्यदर्शन सहकारीमा नक्कली खाता खोलेको खुलासा गरेका छन् ।
आज ९सोमबार० प्रतिनिधि सभाको बैठकलाई सम्बोधन गर्दै उनले उक्त सहकारीका करिब १९ हजारभन्दा बढी बचतकर्ताहरु ठगिएको उनको बताए । उक्त सहकारीबाट एक अर्ब ३५ करोडभन्दा माथि पैसा अपचलन भएको उनले बताए ।
सांसद थापाले उक्त सहकारी घोटला प्रकरणमा पोखरा महानगरपालिकाले अध्ययन गरेर प्रतिवेदन तयार गरेको बताए । प्रतिवेदनमा एक सय जना मानिसहरुले नक्कली खाता खोलेर उक्त पैसा अपचलन गरेको उल्लेख रहेको उनले बताए । प्रतिवेदनको ७८ पेजमा नक्कली खाता खोल्ने मध्येको एउटा नाम रवि लामिछाने उल्लेख गरेको उनले बताए ।
‘पोखरा महानगरपालिकाले अध्ययन गर्यो । ८९ पेजको रिपोर्ट निकाल्यो । रिपोर्टमा सय जना मानिसहरुले नक्कली खाता खोलेर करिब–करिब एक अर्ब ३५ करोड रुपैयाँ अपचलन गरेका छन् । त्यो रिपोर्टको ७८औं पृष्ठमा के भन्छ भने यसरी नक्कली खाता खोल्ने मध्येको एउटा नाम हो रवि लामिछाने,’– उनले भने ।
यसरी रविलाई छोडिदिने हो भने सबैलाई छाड्नुपर्ने उनको भनाइ छ । ‘सरकार यो गर्न तयार हो रु’ भनी उनले प्रश्न गरे ।
