काठमाडौं । प्रहरीले कलंकीस्थित नेसनल बिजनेस ट्रेड सेन्टरको व्यावसायिक भवनमा सटर भाडामा दिने भन्दै रकम असुल गरेर ठगेको आरोपमा ६ जनालाई पक्राउ गरेको छ ।
काठमाडौं प्रहरी परिसरको टोलीले मिला ल्यान्ड डेभलपमेन्ट प्रालिका अध्यक्ष नरेन्द्र बज्राचार्य, निर्देशकहरू राजेशकृष्ण सिंह श्रेष्ठ, शान्ति रमण, निरञ्जन कुमार श्रेष्ठ, राजु महर्जन र चिरञ्जीवी पौडेललाई पक्राउ गरेको हो ।
उनीहरूले न्युरोड, महाबौद्ध र ओटुको होलसेल मार्केटमा पलस सञ्चान गरिरहेकाहरूलाई व्यवसाय बढाउने भन्दै सटरका लागि पैसा उठाएर ठगी गरेको पाइएको प्रहरीले जनाएको छ । प्रहरीका अनुसार करिब ३०० जनाबाट मार्केट सार्ने भन्दै १३ करोड रुपैयाँभन्दा बढी रकम ठगी गरेको उजुरीको आधारमा उनीहरूलाई पक्राउ गरिएको हो ।
उनीहरूमाथि थप अनुसन्धान भइरहेको काठमाडौं प्रहरीका एसपी नवराज अधिकारीले जानकारी दिए ।
