काठमाडौं । तनहुँमा आफ्नै श्रीमतीको हत्या गरेको आरोपमा एकजना पक्राउ परेका छन् । पक्राउ पर्नेमा शुक्लागण्डकी नगरपालिका–१, काठेपिपलका ५२ वर्षीय दिलबहादुर सुनार छन् । उनलाई आज बिहान पक्राउ गरिएको हो ।
उनीमाथि आफ्नै श्रीमती ३८ वर्षीया पार्वती सुनारको हत्या गरेको आरोप लागेको छ ।
दिलबहादुरले विवादको क्रममा गए राति अचानो प्रहार गर्दा पार्वतीको मृत्यु भएको प्रहरीले जनाएको छ । घटनाको सूचना पाएलगत्तै अस्थायी प्रहरी पोस्ट कोत्रेबाट खटिएको प्रहरीले उनलाई पक्राउ गरेको हो ।
घटनाबारे अनुसन्धान जारी रहेको प्रहरीले जनाएको छ ।
सम्बन्धित समाचार
लोकप्रिय समाचार
