नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ पछिल्लो समय कृषि क्रान्तिबाट समाजवाद ल्याउनुपर्ने अभियानमा छन् ।
उनी नेतृत्वको पार्टी गृहजिल्ला कपिलवस्तु हँदै कर्णालीमासमेत पुगेर खेतीपातीदेखि पशुपालनमा पनि जुटेको छत्त । पछिल्लो समय विप्लव नेतृत्वको नेकपाले पूर्वदेखि पश्चिमसम्मै उत्पादनमा जोड दिँदै सामूहिक खेतीमा लागिरहेको छ ।
विप्लवले हालै कर्णाली पुगेर स्याउ र आलु खेती थालेका छन् । अन्य जिल्लामा तरकारी र धान रोप्दै समाजवादसम्म पग्ने बाटो उनले खन्न थालेका हुन् । यही क्रममा कालिकोट पुगेका विप्लवले शनिबार मात्रै त्रिवेणी साझेदारी भेडा फार्म उद्घाटन गरेका छन् ।
नेकपाले कालिकोटको नरहरिनाथ गाउँपालिका–५ रुप्सा गाउँका रामबहादुर बोहोराबाट २०८१ साल कात्तिकमा २० लाख खर्चिएर ९० भेडा खरिद गरेको थियो । हाल भेडाको संख्या एक सय १८ पुगिसकेको छ । ती भेडा हाल पाँच जनाले पाल्दै आएका छन् । विप्लवले नेपाली युवाहरूले खाडीका मरुभूमिमा गएर भेडा पालेर नहुने भन्दै नेपालमै त्यो काम गर्न आग्रह गरे । ‘आखिर नेपाली युवाहरू राज्यको असक्षमताका कारण विदेश जाने गरेका छन् । विदेश गएर पनि विदेशीहरूको भेडा हेर्ने । खेतीपाती गर्ने, पसिना बगाउने गरेका छन्,’ उनले भने, ‘त्यो काम अब नेपालमै गरौँ, नेपालमै उत्पादनमा लागौँ । यसो भए देश र जनतालाई आत्मनिर्भर बनाउन सकिन्छ ।’
राज्यले गाउँ–गाउँमा निष्पक्ष भएर अवसर, रोजगारी र न्याय दिन नसक्दा नेपाली युवाहरू विदेशिन बाध्य हुनुपरेको टिप्पणी उनले गरे ।
‘विश्वका विभिन्न देशमा गएर श्रम गर्न सक्छौँ भने नेपालमा किन गर्न सक्दैनौँ रु,’ उनले भने, ‘नेकपाले भेडा पालनसँगै कृषि, उद्योग र व्यापारमा हात हालेको छ । पार्टी र जनतालाई आत्मनिर्भर बनाउने अभियानमा छ । अहिले पार्टीले गरेको उत्पादन कहीँ घाटामा गएको छैन ।
