चालु आर्थिक वर्षको ११ महिनामा नेपालमा ३२ अर्ब बढीको स्मार्टफोन आयात भएको छ । भन्सार विभागले आज सार्वजनिक गरेको नेपालको ११ महिनाको वैदेशिक व्यापारको तथ्यांकअनुसार चालु आर्थिक वर्षको जेठ महिनासम्म नेपालमा ३२ अर्ब आठ करोड ७८ लाख एक हजार रुपैयाँ बराबरको स्मार्टफोन आयात भएको हो । समीक्षा अवधिमा सरकारले मोबाइल आयातमार्फत पाँच अर्ब ९८ करोड २१ लाख दुई हजार रुपैयाँ भन्सार राजस्व आम्दानी गरेको छ ।