राष्ट्रिय मानव अधिकार आयोगलेले खोटाङको दिक्तेल रुपाकोट मझुवागढी नगरपालिकाका मेयर तीर्थराज भट्टराईको जीवन रक्षाका लागि सरकारसँग आग्रह गरेको छ ।
स्थानीय कच्चा पदार्थ सहज रूपमा प्रयोग गर्न पाउनुपर्ने माग गर्दै काठमाण्डौमा अनशनरत भट्टराईको स्वास्थ्य अवस्था कमजोर हुँदै गएको भन्दै आयोगले सरकारसँग आग्रह गरेको हो ।
आयोगका प्रवक्ता डा टीकाराम पोखरेलले निकाल्नुभएको विज्ञप्तिमा आयोगले अनशनस्थल र वीर अस्पताल पुगेर अनुगमन गरेको पनि उल्लेख छ । अनशनरत मेयर भट्टराईलाई भेट्न स्वास्थ्यमन्त्री प्रदीप पौडेल पनि दिउँसो वीर अस्पताल पुगेका थिए।
मेयर भट्टराईले बाँस र कच्चा पदार्थ सरकारी कार्यालयमा प्रयोग गर्न बिल्डिङ कोर्ड र नम्स तयार गरी कानून निर्माण गर्नुपर्ने, जथाभाबी प्रकृतिको दोहन गर्ने क्रसर उद्योगलगायतलाई कानून बनाई कारबाही गर्नुपर्ने, बाँदरलगायत जङ्गली जनावरको नीतिगत व्यवस्थापन गर्नुपर्नेलगायत सात बुँदे माग राख्नुभएको राखेका छन् ।
