भूटानमा हुने १७ वर्षमुनिको साफ महिला च्याम्पियनशिपका लागि नेपाली टोली घोषणा भएको छ । अखिल नेपाल फुटबल सङ्घ (एन्फा) ले आइतबार २३ सदस्यीय टोली घोषणा गरेको हो ।
नेपाली युवा टोलीको गोलकिपरमा झरना डुम्रकोटी, लक्ष्मी ओली र गङ्गा गुरुङ छन् । यस्तै डिफेन्डरमा दीक्षा रायमाझी, सम्झना चन्द, एलिजाकुमारी बिके, ग्यान्शु डोल्मा लो, पूर्णिमा ताडी, अनु माझी, मिनमाया श्रेष्ठ र अन्शु बिके छन् ।
टोलीको मिडफिल्डरमा दिकी स्याङ्बो तामाङ, कृतिका तामाङ, रबिना बिके र सहारा लिम्बु छन् । यस्तै विङ्गरमा बबिता कार्की, भूमिका बुढाथोकी, आशिका कार्की र सृजना बडुवाल रहेका छन् । यस्तै फरवार्डमा अस्मिता मगर, यामकुमार बिके, अनिता राना मगर र दीक्षा रनपाल रहेका छन् ।
१७ वर्षमुनिको साफ महिला च्याम्पियनशिप आउँदो अगस्ट २० देखि ३१ सम्म भूटानमा हुँदैछ । प्रतियोगितामा नेपाल, भूटान, भारत र बङ्गलादेश सहभागी हुनेछन् । डबल राउन्ड रोबिन लिगका आधारमा हुने प्रतियोगितामा लिग चरणपछि शीर्ष स्थानमा रहने टोली विजेता बन्नेछ ।
