काठमाडौं । सरकारले तीन जना सचिवको सरुवा गरेको छ। सोमबार साँझ बसेको मन्त्रिपरिषद् बैठकले विभिन्न मन्त्रालय तथा निकायमा कार्यरत तीन सचिवको सरुवा गर्ने निर्णय गरेको हो।
प्रधानमन्त्री तथा मन्त्रिपरिषद् कार्यालय स्रोतका अनुसार, रक्षा मन्त्रालयका सचिव रामेश्वर दंगाललाई गृह मन्त्रालयको सचिवको जिम्मेवारी दिइएको छ।
गृह मन्त्रालयमा कार्यरत सचिव गोकर्णमणि दुवाडीलाई राष्ट्रिय योजना आयोगमा सचिवका रूपमा सरुवा गरिएको छ। दुवाडी तत्कालीन गृहमन्त्री रमेश लेखकको कार्यकालमा राष्ट्रिय तथ्यांक कार्यालयबाट सरुवा भई गृह मन्त्रालयमा आएका थिए।
यसैगरी, राष्ट्रिय योजना आयोगका सचिव सुमनराज अर्याललाई रक्षा मन्त्रालयको सचिवको जिम्मेवारी दिइएको छ।
