काठमाडौं, बाँच्नका लागि गरेको संघर्षले सफलता नपाएपछि एक युवकले राजधानीको बानेश्वरमा मंगलबार आफैंमाथि आगो लगाएर आत्महत्याको प्रयास गरेका छन् ।

‘जीवन संघर्ष हो बाँच्नका लागि संघर्ष गर्नु पर्दछ’ भन्ने मान्यता राख्दै आएका इलाम सूर्योदय नगरपालिका १ का प्रेमप्रसाद आचार्यले आत्महत्याको प्रयास गरेका हुन्।

आत्मदाहको प्रयास गर्नुअघि आर्चायले झण्डै ३ हजार शब्द लामो आफ्नो भावना सामाजिक सञ्जालमा व्यक्त गर्दै नयाँ बानेश्वरस्थित संसद् भवन अगाडिको सडकमा आएर आफ्नो शरीरमा आफैंले आगो लगाएका थिए।

आफूले गरेको व्यापार व्यवसायले पनि सफलता हात नपारेको र जति काम गर्दा पनि विभिन्न समूहबाट आफू ठगिएकोले आत्मदाहको प्रयास गरेको उहाँले सामाजिक सञ्जालमा लेखेको भनाइले पुष्टि गरेको छ ।

नेपाल समाचारपत्र दैनिकबाट