काठमाडौं । केन्द्रीय बैंकमार्फत सरकारले २८ अर्ब ६० करोड रुपैयाँ आन्तरिक ऋण उठाउने भएको छ । बैंकले ट्रेजरी बिलमार्फत उक्त ऋण उठाउने भएको हो ।
सोमबार राष्ट्र बैंकले २८ दिने, ९१ दिने, १८२ दिने र ३६४ दिने गरी चार किसिममा कूल २८ अर्ब ६० करोड रुपैयाँ बराबरको ट्रेजरी बोलकबोल गर्ने भएको हो ।
यद्यपि, बैंकका अनुसार ८ अर्ब ६० करोड रुपैयाँ बराबरको ट्रेजरी पुरानो नवीकरण गरेर २० अर्ब रुपैयाँ बराबरको ट्रेजरी नयाँ जारी गर्न लागिएको हो ।
कूल ट्रेजरी मध्ये ८५ प्रतिशत प्रतिस्पर्धात्मक प्रणालीबाट बोलकबोल गरेर बाँकी रहेको १५ प्रतिशत विनाप्रतिस्पर्धा सहभागि गराइने बैंकले जनाएको छ ।
यसअघि बैशाख ४ गते केन्द्रीय बैंकले २४ अर्ब ७० करोड रुपैयाँ बराबरको ट्रेजरी बिक्री गरेको थियो ।
सम्बन्धित समाचार
लोकप्रिय समाचार
