मिलान। इटालियन सिरि ए क्लब इन्टर मिलान युरोपियन च्याम्पियन्स लिगको फाइनलमा पुगेको छ। एसी मिलानलाई दोस्रो लेगमा मंगलबार राति १-० गोलले पराजित गर्दै इन्टर मिलान फाइनल पुगेको हो।
पहिलो लेगमा २-० गोलले विजयी भएको इन्टर समग्रमा ३-० गोलको नतिजामा फाइनल पुगेको हो।
इन्टर मिलानले उपाधिका लागि अब रियल म्याड्रिड र म्यानचेस्टर सिटीबीच हुने खेलको विजेतासँग प्रतिस्पर्धा गर्नेछ।
पहिलो लेगमा बराबरी खेलेका रियल र म्यान सिटी दोस्रो लेगमा बुधबार राती प्रतिस्पर्धा गर्दैछन्। इन्टर मिलान सन् २०१० पछि पहिलोपटक च्याम्पियन्स लिगको फाइनल पुगेको हो।
दोस्रो लेगमा इन्टर मिलानका लागि लौतारो मार्टिनेजले गोल गरे।
