अत्तरिया– सुदूरपश्चिम प्रदेशमा ट्राफिक प्रहरीले चालु आर्थिक वर्षको १० महिनामा चार करोड १६ लाख ११ हजार राजस्व संकलन गरेको छ ।

ट्राफिक प्रहरीले चालु आवको साउनदेखि वैशाख मसान्तसम्म को अवधिमा ट्राफिक नियम उल्लङ्घन गर्ने सवारीचालकलाई कारबाही गरी उक्त राजस्व संकलन गरेको हो ।

सो अवधिमा प्रदेशभरी ट्राफिक नियम उल्लङ्घन गर्ने ६२ हजार नौ सय ३१ जना सवारी चालकलाई कारबाही गरिएको नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरिया, कैलालीका निमित्त प्रमुख प्रहरी नायब उपरीक्षक अनिलकुमार उप्रेतीले जानकारी दिए।

त्यस्तै सो अवधिमा भएका दुई सय ६० वटा सवारी दुर्घटनाबाट एक सय १५ पुरुष, २० महिला र १० बालबालिका गरी एक सय ४५ जनाको मृत्यु भएको तथा चार सय ५५ जना घाइते भएको उनले जानकारी दिए।

उनका अनुसार सो अवधिमा एक सय ७५ मोटरसाइकल, ४४ जिप(कार, ३२ ट्रयाक्टर, १८ बस, १८ साइकल, रिक्सा , १६ टेम्पो, १४ ट्रक(ट्यांकर, सात टिपर, सात माइक्रो, तीन वटा डोजर र चार अन्य गरी तीन सय ३८ वटा सवारी दुर्घटनामा परेका हुन् ।

गत आव २०७९(८० मा ट्राफिक नियम उल्लङ्घन गर्ने एक लाख १२ हजार छ सय ५५ सवारीसाधन कारबाहीमा परेको र सो कारबाहीबाट छ करोड ४३ लाख ७२ हजार राजस्व संकलन भएको थियो ।

सोही वर्ष दुई सय ५५ सवारी दुर्घटनाबाट एक सय ७७ जनाको मृत्यु, एक सय ९७ जना गम्भीर घाइते र दुई सय ७६ जना सामान्य घाइते भएको निमित्त कार्यालय प्रमुख उप्रेतीले जानकारी दिए। चालकसँग एक मिनेट, यात्रुसँग दुई मिनेटलगायतका जनचेतनामूलक कार्यक्रम गर्दै आए पनि सवारी दुर्घटना नघटेको उनको भनाइ छ ।

काठमाडौँ — प्रतिनिधिसभाका सभामुख देवराज घिमिरेले जनताको अभिमतलाई आधार मानेर निर्णय गर्नुपर्ने थलोका रुपमा रहेको संसद् सधैँ बन्धक बन्न नसक्ने बताएका छन् ।

नेपाल पत्रकार महासङ्घ, प्रतिष्ठान प्रदेश कमिटीको चौँथो साधारणसभा तथा पत्रकारिताको सामयिक विमर्श विषयमा शनिवार काठमाडौंमा आयोजित कार्यक्रममा सभामुख घिमिरेले सदन सञ्चालनका लागि सबैको साथ आवश्यक रहेको बताए।

उनले सरकारको नीति तथा कार्यक्रम र बजेट पारितका साथै महत्वपूर्ण विधेयकहरु पारित गर्नुपर्ने दायित्व भएको चालु अधिवेशन निर्बाधरुपमा सञ्चालन हुनुपर्नेमा जोड दिए।

प्रमुख प्रतिपक्षी नेपाली कांग्रेसले सहकारी अनियमिततामाथि छानबिन गर्न संसदीय समितिको माग गर्दै सदन अवरोध गर्दै आएको छ । उनले समानुपातिक प्रणालीकाका कारण कुनै पनि दलको बहुमत आउन नसक्ने अवस्थाबीच राजनीतिक स्थायित्व र समृद्धिका लागि पत्रकारलाई कलम चलाउन सुझाव दिए ।

 

काठमाडौँ — नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपालले राष्ट्रिय राजनीतिमा तमासा भइरहेको बताएका छन् । शनिवार नेकपा माओवादी केन्द्रको पार्टी केन्द्रिय कार्यालयमा आयोजित पुस्तक विमोचन कार्यक्रममा बोल्दै उनले यस्तो बताएका हुन् ।

उनले प्रधानमन्त्री पुष्पकमल दाहाल राष्ट्रिय राजनीतिमा अत्यन्त व्यस्त भएको बताए । उनले राष्ट्रिय राजनीतिमा आफूहरुलाई बेवास्ता गरिरहेको आरोप समेत लगाए ।

उनले राजनीतिक दिशा कतातिर जाने हो भन्ने चिन्ता रहेको भन्दै देशको राजनीति स्थिर भएर अघि बढ्नुपर्नेमा जोड दिए ।अध्यक्ष नेपालले कम्युनिष्ट आन्दोलनलाई अघि बढाएर लैजाने ऐतिहासिक जिम्मेवारी आफूहरुको रहेको बताए ।

बैंकक— थाइल्यान्डको इलेक्ट्रिक भेहिकल (ईभी) बजारमा कडा प्रतिस्पर्धा र घट्दो बिक्रीको सामना गरिरहेको चिनियाँ अटोमेकरहरूले आफ्नो लागि ठाउँ बनाउन संघर्ष गरिरहेका छन्।

यस वसन्तमा, थाई ग्राहकहरूलाई आकर्षित गर्ने प्रयासमा, थाइल्याण्डको बैंककमा भएको अन्तर्राष्ट्रिय अटो शोमा चिनियाँ अटो निर्माताहरूले आफ्ना ईभीहरू प्रदर्शन गरेका छन् ।

सहभागीहरूमध्ये चाङ्गान अटोमोबाइल, बीवाईडी, ग्रेट वाल मोटर कम्पनी लिमिटेड, डोङ फेङ मोटर कर्पोरेशन, साङ्घाई अटोमोटिभ इन्डस्ट्री कर्पोरेशन, निओ, एक्सपेङ, लीप मोटर, होजोन, गिली, जेएसी र अन्य जस्ता कम्पनीहरू थिए। यी चिनियाँ अटोमेकरहरूले प्रयोग गरेको आक्रामक मूल्य निर्धारण रणनीतिहरूको बावजुद, तिनीहरूका गाडीहरूले अझै थाई उपभोक्ताहरू बीच उल्लेखनीय आकर्षण हासिल गर्न सकेका छैनन्।

थाई बजारमा ईभी को बिक्री सुस्त रहेको छ, जसले यी चिनियाँ कम्पनीहरूको महत्वाकांक्षी योजनाहरूमा छायाँ परेको छ।

उक्त मोटर शोमा बीवाईडी ले ९,००,००० भाटको मूल्य ट्यागको साथ आफ्नो फ्ल्यागशिप एट्टो ३ स्पोर्ट्स युटिलिटी भेहिकल लन्च गर्‍यो, जसमा बीवाईडी को फ्ल्यागशिप कारको लागि कुनै खरिदकर्ता नभए पनि हालको मोडलको तुलनामा १८ प्रतिशत अनुदान समावेश थियो।

बीवाईडी ले यसको इलेक्ट्रिक सेडान र ह्याचब्याक कार मोडेलहरूमा पनि छुट प्रदान गरेको छ। तर उक्त मोटर शोमा चिनियाँ कार निर्माताले कुनै अर्डर पाएनन्। यसले दुईवटा कुराहरू देखाउँछ— थाई ग्राहकहरू चिनियाँ कार निर्माताहरूमा भर पर्दैनन् किनभने तिनीहरू यस क्षेत्रमा नयाँ छन्। जसका कारण थाई ग्राहकले चिनियाँ कार निर्माता कम्पनीबाट दूरी कायम गरिरहेका छन् ।

गत वर्ष, चाङ्गन अटोमोबाइलले थाई बजारमा प्रवेश गरेको थियो र त्यसपछि लुमिन, माइक्रो—इभी ल्याएको छ। त्यस्तै, होजोन न्यू एनर्जी अटोमोबाइलको ईभी ब्रान्डले लगभग ५५०,००० भाट मूल्यको कम्प्याक्ट कार सार्वजनिक गरेको छ, जुन बीवाईडी को डल्फिन कम्प्याक्ट भन्दा झण्डै ३० प्रतिशत सस्तो छ।

हालैका वर्षहरूमा थाई बजारमा एक दर्जनभन्दा बढीले डेब्यु गरेसँगै गृह बजारमा चिनियाँ कार उत्पादकहरूबीचको तीव्र प्रतिस्पर्धाको परिणाम हो।

थाई अटो बजारको हाई—स्टेक गेममा, चिनियाँ अटोमेकरहरू सीमित सेयरको लागि दौडिरहेका छन्, जबकि हाइब्रिड मोडेलहरूसँग पनि प्रतिस्पर्धा गरिरहेका छन् जहाँ टोयोटा मोटर जस्ता जापानी प्रतिद्वन्द्वीहरू माथिल्लो हातमा छन्। थाई उपभोक्ताहरू जापानी कार निर्माताहरू तर्फ बढ्दै गएका छन्, तिनीहरूको लामो समयदेखिको प्रतिष्ठा र विश्वसनीयताले आकर्षित भएका छन्, जसले तिनीहरूका चिनियाँ समकक्षहरूलाई पछाडी पार्छन्।

जापानी कार निर्माताहरू आफ्ना चिनियाँ समकक्षहरू भन्दा बढि छन् । चिनियाँ अटो निर्माताहरूले थाइल्यान्डमा आफ्नो गढ बनाउन कडा प्रयास गरिरहेका छन् तर जहाँसम्म चिनियाँ कार निर्माताहरूको विश्वसनीयताको सवाल छ भने तिनीहरू जापानी अटो निर्माताहरूभन्दा पछाडि छन्। यसले थाई बजारमा आफ्नो प्रवेशको बाबजुद चिनियाँ कार उत्पादकहरूले अगाडि चुनौतीपूर्ण यात्रा सामना गर्ने सम्भावना रहेको संकेत गर्छ।

राशिफलः तपाईंको आजको दिन कस्तो रहनेछ ?

मेषः खर्च बढ्नेछ। बौद्धिक क्षेत्रमा गरेको लगानीले खुसी पार्नेछ। स्वास्थ्य र शिक्षामा सफलता मिल्नेछ। परिवारको साथ सहयोग प्राप्त हुनेछ।

वृषः समय राम्रो छ। साथीभाइसँग भेटघाट हुनेछ। मिठो खान पाइने छ। पारिवारिक सुख मिल्नेछ। स्वास्थ्यमा लाभ र शिक्षामा सुधार हुनेछ। वैदेशिक क्षेत्रमा गरेको लगानीबाट उत्साहित हुनेछ।

मिथुनः राम्रो आम्दानी हुनेछ। स्वास्थ्यमा लाभ मिल्नेछ। शिक्षामा गरेको लगानीबाट फाइदा मिल्नेछ। पारिवारिक सम्बन्ध सुमधुर रहनेछ।

कर्कटः कुरा काट्नेहरु सक्रिय छन्। ठुलो लगानी नगर्नु उपयुक्त हुन्छ। स्वास्थ्यमा सुधार हुनेछ। कृषिमा गरेको लगानीले फाइदा दिनेछ। परिवारसँगको सम्बन्धमा भने खटपटी हुनेछ।

सिंहः शिक्षामा उन्नति हुनेछ। उत्तरको लामो यात्रामा नजानु राम्रो हुन्छ। स्वास्थ्यमा गडबढी हुने देखिन्छ। पारिवारिक झमेला हुनेछ।

कन्याः समय राम्रो छ। आम्दानी बढ्नेछ। मनमा हुने बेचैनीले तनाव बढ्नेछ। शिक्षामा सफलता मिल्नेछ। स्वास्थ्यमा लाभ र वैदेशिक क्षेत्रमा गरेको लगानीमा फाइदा हुनेछ। परिवारको सहयोग मिल्नेछ।

तुलाः खर्च बढ्ने योग छ। शिक्षामा कमजोरी हुनसक्छ। स्वास्थ्यमा सुधार हुनेछ। पारिवारिक मेलमिलाप सन्तोषजनक रहनेछ। प्रेम सम्बन्ध सुमधुर बन्नेछ।

वृश्चिकः आम्दानी बढ्नेछ। श्रमको उचित मूल्याङ्कन हुनेछ। सामाजिक क्षेत्रमा मन जानेछ। पारिवारिक सम्बन्ध सुमधुर रहनेछ। स्वास्थ्यमा समस्या हुने दिन छ। कम बोल्नु राम्रो हुनेछ।

धनुः समय राम्रो छ। दीर्घकालीन योजना बनाएको राम्रो हुन्छ। सामाजिक क्षेत्रमा नाम, व्यापारमा दाम र स्वास्थ्यमा आराम हुने दिन छ। पारिवारिक सम्बन्ध सन्तोषजनक रहनेछ। बोलीले मित्रसँगको सम्बन्धमा खटपट आउनेछ।

मकरः झुटो आरोप लाग्नसक्छ। आफन्तबाट घात हुने योग छ। ठूला योजना नबनाएको राम्रो। पारिवारिक सहयोग भने मिल्नेछ। प्रेम सम्बन्ध सुमधुर बन्नेछ।

कुम्भः महत्तवपूर्ण काम गर्नु अगाडि विज्ञसँग सुझाव लिनु राम्रो हुनेछ। परिवारको सल्लाहमा अघि बढ्दा फाइदा हुनेछ। शिक्षाको क्षेत्रमा प्रगति हुने योग छ। व्यवहार गर्दा भने सचेत हुनुपर्ने देखिन्छ।

मीनः चुनौतीको सामना गर्नुपर्नेछ। सफलता मिल्नेछ। सबै क्षेत्रमा गरेको लगानीबाट सामान्य लाभ मिल्नेछ। वैदेशिक क्षेत्रबाट फाइदा हुनेछ। नसोचेका व्यक्तिबाट सहयोग मिल्नेछ। परिवारको साथ रहनेछ।

काठमाडौं– राष्ट्रपति रामचन्द्र पौडेलले नेपाली इतिहास, साहित्य र शिक्षा क्षेत्रमा इतिहासकार ज्ञानमणि नेपालले पुर्‍याएको योगदान नेपाल र नेपालीका लागि सदैव स्मरणीय रहने बताएका छन् ।

इतिहासकार नेपालको निधनको खबरले आफूलाई दुःखी बनाएको राष्ट्रपति पौडेलले आज पठाएको समवेदना सन्देशमा उल्लेख छ । “तथ्य र प्रमाणको कसीमा रहेर नेपालको राजनीति, साहित्यलगायतको इतिहास लेखनमा जीवन समर्पित गर्नुभएका विद्वान इतिहासकार ज्ञानमणि संस्कृत वाङ्मय, शिलालेख तथा ऐतिहासिक दस्तावेजलाई समेटेर इतिहास लेखनमा दख्खल राख्नुहुन्थ्यो”, समवेदना सन्देशमा भनिएको छ ।

इतिहासकार नेपालका ‘नेपालको महाभारत’ तथा ‘नेपाल निरुक्त’ लगायतका कृति एवं कैयौँ अनुसन्धान तथा खोजमूलक लेखरचना चिरकालसम्म ज्ञानका भण्डारकारुपमा रहिरहने राष्ट्रपति पौडेलले समवेदना सन्देशमा उल्लेख गरेका हुन् ।

राष्ट्रपति पौडेलले इतिहासकार नेपालका परिवारजनमा गहिरो समवेदना प्रकट गरेक‍ा छन् ।

गण्डकी– किसानलाई कृषि पेसामा थप आकर्षित गर्ने उद्देश्यले अनुदानमा कृषि औजार वितरण गरिएको छ ।

पोखरा महानगरपालिका–२६ को सहयोग र वडा कृषि सञ्जालको संयोजनमा विभिन्न कृषक समूह तथा कृषकलाई ५० प्रतिशत अनुदानमा कृषि औजार तथा उपकरण प्रदान गरिएको हो । वडा कृषि सञ्जालको संयोजनमा आज आयोजित एक कार्यक्रमकाबीच पोखरा–२६ का वडाध्यक्ष नरेन्द्र थापा, महानगरका कृषि महाशाखा प्रमुख मनोहर कडरियाले संयुक्तरुपमा ती सामग्री हस्तान्तरण गरेका हुन् ।

कृषकलाई पाँच थान हाते ट्याक्टर, एक सय १० वटा प्लास्टिक त्रिपाल, ४६ वटा प्लास्टिक टनेल, एक सय ८० बाउसा, सात स्प्रे मेसिन, छ वटा तौल जाँच्ने मेसिन हस्तान्तरण गरिएको सञ्जालले जनाएको छ । वडाध्यक्ष थापाले उत्पादनमा जोड दिँदै कृषि सञ्जालसँगको समन्वयमा ५० प्रतिशत अनुदानमा कृषि औजार तथा उपकरण प्रदान गरिएको बताए । सकेसम्म सबै क्षेत्र र समुदायमा समेट्ने गरी वितरण गर्न खोजिएको बताउँदै उनले प्राप्त सामग्रीलाई अधिकतम उपयोग गर्दै उत्पादनमा वृद्धि गर्नतर्फ लाग्नुपर्नेमा जोड दिए ।

महानगरका कृषि महाशाखा प्रमुख कडरियाले यहाँका किसानलाई उत्पादनमा जोड दिँदै आत्मनिर्भर बनाउने उद्देश्यले विभिन्न अनुदान सहयोगका कार्यक्रम सञ्चालन गरिएको जानकारी दिए । अनुदानमा प्राप्त सामग्रीको अधिकतम उपयोगसँगै सामूहिकरुपमा प्रयोग गर्नेतर्फ लाग्नुपर्ने उनको भनाइ छ । कृषकलाई लक्षित गरी महानगरले विभिन्न कृषिजन्य उत्पादनको समर्थन मूल्यसमेत तोकेको बताउँदै कडरियाले खाली जग्गा नराख्ने गरी कृषकले उत्पादनमा क्रियाशील हुनुपर्ने आवश्यकता औँल्याए ।

वडा कृषि सञ्जालका संयोजक केशवराज ढुङ्गानाले अनुदानमा वितरित सामानको बहु उपयोग गर्दै अधिकतम फाइदा लिनुपर्नेमा जोड दिए । लेखनाथ खानेपानी उपभोक्ता समितिका अध्यक्ष मुरारी शर्मा, सिलिङ्गे कृषि सहकारी संस्थाका अध्यक्ष ठाकुरप्रसाद रानाभाट, सञ्जालका सहसंयोजक देवी ढुङ्गाना, पशुसेवा केन्द्र लेखनाथका प्रमुख विश्वनाथ गौतम, कृषि सेवा केन्द्रका अधिकृत रामचन्द्र पौडेललगायतले अनुदानमा वितरित सामग्रीको बहु उपयोग गरी उच्च प्रतिफल लिनुपर्नेमा जोड दिए ।

काठमाडौं- गृहमन्त्रीको राजीनामा माग गर्दै नेविसंघले संसद भवन अगाडि प्रर्दशन गरेको छ ।

प्रदर्शन गर्ने नेविसंघका ११ जना नेताहरूलाई प्रहरीले नियन्त्रणमा लिएको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले बताए । गृहमन्त्री रवि लामिछानेले आफूलाई संसद्‌मा पहिले बोल्न दिनुपर्ने माग गर्दै आएका छन् ।

नेपाली कांग्रेसले सहकारी ठगी प्रकरणमा गृहमन्त्री रवि लामिछानेमाथि छानविन समिति बनाउनुपर्ने माग गर्दै लगातार सदनमा अवरोध गर्दै आएको छ ।