धादिङ।प्रहरीले गजुरी गाउँपालिका– २ बाट ६ सय २० किलो गाँजासहित एक जनालाई मंगलबार बिहान पक्राउ गरेको छ।
पक्राउ पर्नेमा सर्लाहीको लालबन्दी नगरपालिका– ७ का २९ वर्षीय सन्तोषकुमार साह छन्। जिल्ला प्रहरी कार्यालयबाट खटिएको प्रहरीले मधेस प्रदेश ०३–००१ ख ८३०९ नम्बरको मिनी ट्रकलाई जाँच गर्ने क्रममा कवाडीको सामानभित्र लुकाई राखेको अवस्थामा ६ सय २० किलो ४४ ग्राम गाँजा फेला पारेको थियो।
त्यसपछि ट्रक चालक साहलाई पक्राउ गरेको हो। यस सम्बन्धमा थप अनुसन्धान भइरहेको धादिङ प्रहरीले जनाएको छ।
सम्बन्धित समाचार
लोकप्रिय समाचार
