नयाँ दिल्ली— नयाँ दिल्लीमा रहेको पाकिस्तान उच्चायोगले सिन्धको शदानी दरबार हयात पिटाफीमा शिव अवतारी सतगुरु सन्त शाडाराम साहिबको ३१५ औँ जन्मजयन्ती समारोहमा सहभागी हुन १०४ जना भारतीय हिन्दू तीर्थयात्रीहरूलाई भिसा जारी गरेको छ।
डिसेम्बर १२ देखि २३ सम्म शिव अवतारी सतगुरु सन्त शाडाराम साहिबको जन्मदिन मनाइने भएको छ ।
भारतमा रहेको पाकिस्तान उच्चायोगले सामाजिक सञ्जाल एक्समा लेख्दै, १०४ जना भारतीय हिन्दू तीर्थयात्रीहरूलाई पाकिस्तान भ्रमण गर्नको लागि भिसा जारी गरेको बताएको छ ।
१९७४ को धार्मिक तीर्थस्थलहरूको भ्रमणमा पाकिस्तान—भारत प्रोटोकल अन्तर्गत भारतबाट हजारौं सिख र हिन्दू तीर्थयात्रीहरू प्रत्येक वर्ष विभिन्न धार्मिक चाडपर्वहरू र अवसरहरूमा भाग लिन पाकिस्तान भ्रमण गर्ने गरेका छन् ।
उनीहरूलाई तीर्थयात्रा भिसा जारी गर्नु भनेको धार्मिक तीर्थस्थलहरूको भ्रमणलाई सहज बनाउन र अन्तर—विश्वास सद्भाव प्रवर्द्धन गर्न पाकिस्तान सरकारको प्रयास अनुरूप भएको बताइएको छ ।
गत वर्ष, नयाँ दिल्लीस्थित पाकिस्तानी उच्चायोगले पाकिस्तानमा शिव अवतारी सतगुरु सन्त शाडाराम साहिबको जन्मदिनको उत्सवमा सहभागी हुन १०० जना भारतीय हिन्दू तीर्थयात्रीहरूलाई भिसा जारी गरेको थियो।
