नयाँ दिल्ली— भारतको बस्ने आवासको माग वृद्धि हुँदा निर्माण क्षेत्रको विकास तीब्र भएको छ । यसरी नै निर्माण क्षेत्रको विकास भएमा आगामी वर्षहरूमा अर्थव्यवस्थालाई राम्रो टेवा दिने विश्वास गरिएको छ ।

निर्माण क्षेत्र अघिल्लो त्रैमासिकमा ७ खशमलव ९ प्रतिशतले वृद्धि भएको छ ।

भारतमा पछिल्लो समय लाखौं रोजगारी सिर्जना गरेको छ । धेरै भारतीयहरूको बढ्दो आम्दानी, ठूला सहरहरूमा आवासको अभाव र बलियो जनसंख्या वृद्धिले यसलाई निर्माण क्षेत्रको विकास तीब्र भइरहेको छ ।

विश्वको सबैभन्दा बढी जनसंख्या भएको देशमा सरकारी अनुमान अनुसार गत वर्ष करिब १९ मिलियन युनिटको सहरी आवासको अभाव रहेको छ भने २०३० सम्ममा दोब्बर हुने अपेक्षा गरिएको छ ।

‘हाउसिङ बजार’ले अझै तीनदेखि चार वर्षसम्म राम्रो प्रदर्शन गरिरहन सक्छ,ू एक प्रमुख घर जग्गा कम्पनी पार्श्वनाथ डेभलपर्सका प्रबन्ध निर्देशक सञ्जीव जैनले भारत आवास विकास चक्रको प्रारम्भिक चरणमा रहेको उल्लेख गरे।

मुम्बई, नयाँ दिल्ली र बैंगलोर लगायत भारतका सात ठूला सहरहरूमा घर बिक्री एक वर्ष अघिको जुलाई—सेप्टेम्बर त्रैमासिकमा ३६ प्रतिशतले बढेको छ ।

नयाँ आवासीय परियोजनाहरू सुरु हुने क्रममा पनि २४ प्रतिशतले वृद्धि भएको परामर्शदाताको तथ्यांकले देखाएको छ ।

यस्तै, दक्षिणी राज्य तमिलनाडु, कर्नाटक र प्रधानमन्त्री नरेन्द्र मोदीको गृह राज्य गुजरातका साना सहरहरूमा पनि आवासको माग उल्लेख्य रूपमा बढेको छ।

सरकारले अनुदान प्रदान गरेर किफायती आवासको उपलब्धता बढाउन पनि प्रयास गरिरहेको छ, जसले भारतका साना सहर र सहरहरूमा घर निर्माणलाई प्रोत्साहन गरिरहेको छ।