इटहरी – सुनसरी प्रहरीले ३ सय ३७ जना फरार अभियुक्तहरूलाई पक्राउ गरेको छ ।
आर्थिक वर्ष २०७९/८० को भित्र ३ सय ३७ फरार अभियुक्तहरूलाई पक्राउ गरेको हो ।
बुधवार मात्रै सुनसरी प्रहरीले २२ जना फरार प्रतिवादीहरूलाई पक्राउ गरेको जिल्ला प्रहरी कार्यालय, सुनसरीका प्रहरी नायब उपरीक्षक राजकुमार राईले जानकारी दिएका छन् ।
उनका अनुसार जिल्ला प्रहरी कार्यालय सुनसरीबाट विशेष टोली गठन गरी फरार प्रतिवादीहरू पक्राउ अभियान अन्तर्गत विभिन्न मुद्दामा कैद तथा जरिवाना तोकिएका प्रतिवादीहरूलाई पक्राउ गर्ने क्रममा हिजो मात्रै २२ जना पक्राउ परेका हुन ।
पक्राउ परेका सबैलाई बुधबार नै अदालतसमक्ष बुझाइएको छ । थप फरार प्रतिवादीहरू पनि पक्राउ गरिने राईले जानकारी दिएका छन् ।
सम्बन्धित समाचार
लोकप्रिय समाचार
