काठमाडौं । जय ट्रफी पुरुष इलाइट ट्रफीको दोस्रो दिन मधेस प्रदेशका ओपनर ब्याटर मयन यादवले शतक बनाएका छन् । आइतबारदेखि सुरु भएको प्रतियोगितामा शतक बनाउने मयन पहिलो ब्याटर बने ।
जनकपुरको रामजनकी बहुउद्देश्यीय क्रिकेट मैदानमा जारी खेलको दोस्रो इनिङमा मयनले वाग्मती प्रदेशविरुद्ध १०२ बलमा १२ चौका र दुई छक्कासहित १०० रनको आँकडा पार गरे ।
दोस्रो इनिङमा मधेसले ३४ ओभरमा पाँच विकेट गुमाएर १७७ रन बनाएको छ । मधेसबाट मयनसँगै क्रिजमा रहेका अभिषेक तिवारीले १६ रन बनाएका छन् । यसअघि, पहिलो इनिङमा मधेसले १०२ रन बनाएको थियो । पहिलो इनिङमा वाग्मतीले भने १५० रन बनाएको थियो ।
