काठमाडौं। डडेल्धुराको पर्शुराम नगरपालिकामा ‘पाँचौँ मेयर,उप–मेयर खुला भलिबल, क्रिकेट प्रतियोगिता २०८१’ हुने भएको छ ।
यही माघ १८ गतेदेखि परशुराम रङ्ग मैदानमा पाँचौँ मेयर,उप–मेयर खुला भलिबल, क्रिकेट प्रतियोगिता हुने भएको हो । जसका लागि टिम दर्ता भइरहेका छन् । माघ ८ देखि १६ गतेसम्म टिम दर्ताका लागि समय दिइएको छ । प्रतियोगितामा नगरपालिकाभित्रका वडाहरूबाट टिम बनाएर सहभागी हुन पाउने छन् ।
