इजरायलका लागि नेपालको आवासीय राजदूतमा प्राध्यापक धनप्रसाद पण्डितले बुद्धको शिक्षाको ज्योतिले अझ न्यायपूर्ण, दयालु र शान्तिमय संसारतर्फको बाटो उज्यालो होस् भन्ने शुभकामना व्यक्त गरेका छन् ।
पच्चीस सय ६९ औँ बुद्धजयन्तीको अवसरमा आज यहाँ शुभकामना सन्देश जारी गर्दै उनले सो कुरा बताएका हुन् । उनको शुभकामना वक्तव्य यस्तो छ ।
२५६९ औं बुद्ध जयन्ती र भेसाक दिवसको अवसरमा ईजरायलका लागि नेपालका राजदूत प्रा.धनप्रसाद पण्डितको मनतव्य
मे १२, २०२५, तेल अभिभ, ईजरायल
उपस्थित महामहिमज्यृहरू, विशिष्ट अतिथिहरू, महिला तथा सज्जनवृन्द, नमस्ते र शलोम
“बुद्धम शरणम गच्छामि, धंवम शरणम गच्छामी, संघम शरणम गच्छामी” हामी बुद्ध, उहाँको शिक्षा र महान समुदायको शरणमा पर्दछौँ ।
आज साँझ, विश्वव्यापी रूपमा भसाक दिवस भनेर पनि चिनिने, २५६९ औँ बुद्ध जयन्ती मनाउन भेला भएका सबैलाई आदर, सम्मान र हर्षका साथ स्वागत गर्दछु। यो पवित्र दिनले २५०० वर्ष अघि नेपालमा जन्मन भएका शाक्यमुनि बुद्धको जन्म, बुद्धत्व र महापरिनिर्वाण (निधन) को महत्वलाई दर्शाउछ। बुद्ध, राजकिय सुख सुविधा त्यागेर, सबै संवेदनशील प्राणीहरूलाई दुःखबाट मुक्त गर्न आध्यात्मिक यात्रामा लाग्नुभयो, उहाँको ज्ञानले संसारलाई अहिंसा, करुणा र ज्ञान (प्रज्ञा) का मूल्यहरूको एक शाश्वत सन्देश दियो जसले मानवतालाई शान्ति र जागरणको मार्गमा डोरयाइरहने छ ।
प्रिय मित्रहरू, यस वर्षको हर्ष उत्सव विश्वव्यापी चुनौतीहरूको समयमा परेको छ। हाम्रो संसार आज द्वन्द्व, डर र विभाजनले ग्रस्त छ, महाद्वीपहरू पीडा ग्रसित छन । यस स्थितिमा, बुद्धका शिक्षाहरू अझ बढी स्पष्टता र महत्वका साथ ल्याइनुपर्दछ । जसरी धम्मपदले हामीलाई, घृणालाई घृणाले नभएर प्रेमले मात्र समाप्त पार्दछ भनी सिकाउदछ र यो नै अनन्तीय नियम हो । बुद्धले हामीलाई सिकाउनुभयो कि साँचो शान्ति भनेको युद्धको अनुपस्थिति मात्र होइन, तर समझदारीता सहितको आन्तरिक शान्ति र सचेतना तथा दया, प्रेममा आधारित सही कार्यको अभ्यास हो। उहाँको सन्देशले सबै प्राणीहरूको साझा गरिमालाई अंगाल्दै विश्व जगत, आस्था र विचारधारालाई समेटदछ ।
महामहिमज्यहरू, बुद्धको जन्मस्थल लुम्बिनी, विश्व शान्ति र आध्यात्मिक सम्पदाको चिरस्थायी प्रतीकको रूपमा उभिएको कारण, नेपाल पर्ण रूपमा सम्मानित छ। यो केवल तीर्थस्थल नभएर, मानवताको लागि करुणाको परिवर्तनकारी ,रूमा सदभाव बढाउने पवित्र जिम्मेवारी वहन गदर्छौं । बुद्ध ज्ञानको स्मरण गरौं, ”अहिंसा परमो धर्म (अहिंसा सर्वोच्च सदगुण हा)। यस पवित्र दिनले बाधाहरू माथि समाधानका पुल निर्माण गर्ने, डरलाई समानुभूतिले बदल्ने र विभाजन माथि वार्तालाप रोज्न, हाम्रो सामूहिक संकल्पलाई नवीकरण गरोस । आजको संसारमा, ज्ञान र अहिंसाको मार्गमा अग्रसर गराउने बुद्धको मार्ग, केवल एक आध्यात्मिक आदर्श मात्र नभएर, यो कूटनीति, मेलमिलाप र दिगो शान्तिको लागि व्यावहारिक आधार पनि हो।
पञ्चशील सिद्धान्तको सान्दर्भिकतालाई चिन्तन गरौं । पारस्परिक सम्मान, मैत्री, तटस्थता, समानता, र शान्तिपूर्ण सहअस्तित्व, यी आदर्शहरू नेपालको परराष्ट्र नीतिको आधारशिला हुन र असंलग्न अभियान र संयुक्त राष्ट्र संघको बडापत्रका मूल मूल्यमान्यताहरूसँग एक्यवद्ध छन । यस अवसरमा म नेपाली युवा विद्यार्थी श्री विपिन जोशी लगायत २०२३ अक्टोबर ७ देखि बन्धक बनाइएका सबै बन्धकहरूको सुरक्षित फिर्ताको लागि नेपालको ऐक्यबद्धता र आशा व्यक्त गर्न चाहन्छु। द्वन्द्वको विरुद्ध दया र मानवताको जीत होस र आफना प्रियजनहरूबाट अलग भएकाहरु सबैको चाँडै पुनर्मिलन हुन सकोस ।
हामीले हाम्रो भविष्यको कल्पना गर्दा, हाम्रो ग्रहका ८ अरब भन्दा बढी मानिसहरूले लडाँई वा नियन्त्रणबाट होइन, बुद्धको करुणामयी नजर मार्फत शान्ति खोज्दै, एकता, निराशा माथि आशा र विभाजन माथि मानवीय मर्यादालाइ रोजौं । नेपाल र इजरायल बीचको मित्रता, आपसी सम्मान, मूल्यमान्यताहरु र शान्तिपूर्ण सहअस्तित्व कायम रहि चिरस्थायी रुपमा फस्टाउँदै जाओस । यस अर्थपूर्ण उत्सवमा सहभागी हुन हुने सबैलाई धन्यवाद।
