प्रधानमन्त्री केपी शर्मा ओलीको भारत भ्रमणको मिति निश्चित भएसँगै परराष्ट्र मन्त्रालयले गृहकार्यको तयारी थालेको छ। प्रधानमन्त्री ओली भदौ ३१ गते भारतको दुई दिने भ्रमणमा जाँदैछन् । त्यसका लागि परराष्ट्र मन्त्रालय गृहकार्यको तयारीमा जुटेको हो ।
परराष्ट्र मन्त्रालयका प्रवक्ता लोकबहादुर क्षेत्रीले प्रधानमन्त्री ओली भारत भ्रमणमा जाने भएपछि त्यसको तयारीमा मन्त्रालय जुटेको बताए ।
प्रधानमन्त्रीको भारत भ्रमणमा के–के विषयमा छलफल हुने भन्नेबारे प्रधानमन्त्री कार्यालयसँग समन्वय भइरहेको उनले बताए ।
