काठमाडौं । नेपाली कांग्रेसका पूर्वपदाधिकारीहरू पार्टीको आगामी महाधिवेशनबारे छलफल गर्दै प्रकाशमान सिंह निवासमा भेला भएका छन्।
छलफलमा आगामी महाधिवेशन र नेतृत्व परिवर्तनको विषयमा समान धारणा बनाउने विषयमा कुराकानी भइरहेको छ।
विजयकुमार गच्छदारबाहेक कांग्रेसका सात पूर्व पदाधिकारीहरू छलफलमा सहभागी छन्।
कांग्रेसका पूर्वपदाधिकारी ६ नेता पूर्वमहामन्त्री प्रकाशमान सिंह निवास चाक्सीबारीमा छलफलमा छन् । आधा घण्टा अगाडिबाट पूर्वउपसभापतिद्वय गोपालमान श्रेष्ठ र विमलेन्द्र निधि, पूर्वमहामन्त्रीहरू सिंह, कृष्णप्रसाद सिटौला र डा शशाङ्क कोइराला तथा पूर्वसहमहामन्त्री एवं अहिलेका पार्टी प्रवक्ता डा प्रकाशशरण महतले छलफल गरिरहेका हुन् ।
निकट स्रोतका अनुसार उनीहरूबिच पार्टीको आगामी १५ औँ महाधिवेशनमा कसी अगाडि बढ्ने, शुक्रबारको कार्यसम्पादन समिति बैठकमा महामन्त्रीद्वय गगन थापा र विश्वप्रकाश शर्माले उठाएको विशेष महाधिवेशन र नेतृत्व परिवर्तनको विषयमा समान धारणा बनाउने विषयमा कुराकानी भइरहेको छ ।
कांग्रेसका सात पूर्व पदाधिकारीले छलफल गरिरहेकामा पूर्वउपसभापति विजयकुमार गच्छदार भने आइतबारको छलफलमा सहभागी छैनन् । उनीहरूले निरन्तर छलफल गरिरहेका छन् ।
