काठमाडौं । पोर्चुगल फिफा विश्वकप-२०२६ को अन्तिम १६ मा पुगेको छ । शुक्रबार बिहान भएको अन्तिम ३२ को खेलमा क्रोएसियालाई २-१ गोलले हराउँदै पोर्चुगलले प्रि-क्वाटरफाइनलमा आफ्नो स्थान सुरक्षित गरेको हो ।
टोरोन्टो स्टेडियममा भएको खेलमा पोर्चुगललाई जित दिलाउन क्रिस्टियानो रोनाल्डो र गोन्सालो रामोसले समान एक/एक गोल गरे । क्रोएसियाको लागि इभान पेरिसिकले एक गोल गरे । खेलमा लिएको शुरुवाती अग्रता जोगाउन नसक्दा क्रोएसिया पराजित हुन पुगेको हो ।
पहिलो हाफ गोलरहित बराबरीमा सकिएको खेलको ५३ औँ मिनेटमा पेरिसिकले गोल गर्दै क्रोएसियालाई शुरुवाती अग्रता दिलाएका थिए । ६८ औँ मिनेटमा रोनाल्डोले पेनाल्टीमा गोल गर्दै क्रोएसियालाई १-१ गोलको बराबरीमा ल्याए । क्रोएसियाका भासिकले भिएगालाई पेनाल्टी बक्समा तानेर लडाएपछि पोर्चुगलले पेनाल्टी पाएको थियो ।
दोस्रो हाफको इन्जुरी समयको चौथो मिनेटमा राफायल लियोको क्रसमा रामोसले हेडर गोल गर्दै पोर्चुगललाई २-१ गोलको अग्रता दिलाए । इन्जुरी समयको १३ औँ मिनेटमा जोस्को ग्भार्डियोलले गोल गर्दै क्रोएसियालाई २-२ गोलको बराबरीमा ल्याएपनि भीएआरले अफसाइडको कारण उक्त गोललाई रद्द गरेसँगै पोर्चुगल २-१ गोलले विजयी भएको हो ।
हारसँगै क्रोएसिया प्रतियोगिताबाट बाहिरिएको छ । अब पोर्चुगलले अन्तिम १६ मा स्पेनको सामना गर्नेछ । आज बिहानै भएको खेलमा स्पेनले अष्ट्रियालाई ३-० गोलले हराएको थियो ।
